عـلاش قلبك قاسي؟؟ بالدرجة

عـلاش قلبك قاسي؟؟

عُمْري ما ظَنّيتْ قَلْبَكْ يْكونْ قاسي
وَأنْتِ أَعَزْ وأَغْلى ناسي
كُلْشِي فَارَقْنِي حَتَّى نْعَاسِي
عْلاَشْ قَلْبكْ قاسِي؟
وَأنْتِ حبي وْكُلْ إِحْسَاسِي..
عْيِيتْ.. ومَلِّيتْ
وعُمْري مَا فَكَّرْتْ نْكونْ لْحُبَّكْ نَاسِي
قَلْبي كُلْ ماسْمَـعْ اسْمَكْ كَا يْذوبْ
ما كْفَانِيشْ قَلْبْ
وشَمْتْ الثّاني..
بَعدْتْ على حُبَّكْ.. لْقِيتُو في البابْ جَانِي
قُلْتْ عْشَقْتَكْ وغَادي نْكونْ هاني
لاَ أَحْزَانْ.. لاَ رِيحْ دَّانِي.
اسْتَسْلَمْتْ.. وَبْغِيتْ نْعِيشْ كِيفْ النَّاسْ هَانِي
مَا حَسِّيتْ بْقَسَوْتَكْ.. وظُلْمَكْ
حَتَّى كُنْتْ فَانِي.
دَمْرُونِي عِينِيكْ
دِيمَا بالبَال.
سُبْحَانْ الله اللِي خْلَقْ هذا الجَمَالْ
كُلْمَا شَفْتَكْ كَايَتْحَرَّكْ فِيَّا زَلْزَالْ
مُحَالْ نْصَدَّقْ قَلْبَكْ قَاسي مُحَالْ..
حِيتْ كَا نَبْغِيكْ.. وعَايْشَه لي في الْبَالْ
قولوا لي..
شْكُونْ يْجَاوَبْ عْلى هاد السُّؤَالْ؟