نصيحه لأصحاب الإيميلات

نصيحه لأصحاب الإيميلات

أخواني اليوم فيه واحد مسوي نفسه هاكر وهو كراكر ومن جنبها لأن التهكير ماعاد فيه مهاره كلها برامج وباتشات على شكل رسائل وصور وملفات يعني الله يرحم أيام الشغل الصح أيام الدوز يوم كان الواحد يسوي باتشه وفايروسه وتروجانه و الورم بنفسه بس الحين صاروا هالمبزره يحسبونها شطاره وحدهم برنامج ساب 7 وكثير عليهم

المهم السالفه هي
اليوم واحد هكر على إيميلي وغير الباسوورد بس والله العظيم ماعطيته فرصه وفي ظرف 5 دقايق رجعت إيميلي منه وغيرت الباسوورد وغيرت الإعدادات حقت إيميلي

علشان كذا ياجماعه عندي نصيحه علشان الواحد يحافظ على إيميله وماسنجره لأنه خساره الواحد يروح منه إيميله وهو حاط فيه ناس كثير يعزهم ويغليهم وإذا راح إيميله بتضيع عليه كل إللي ضايفهم عنده ولازم يسوي إيميل جديد

النصيحه الأولى هي:

1- لازم تحط آنتي فيروس معروف وقوي مثل مكافي أو كاسبرسكاي وأنصح يكاسبر سكاي Kaspersky internet security 6.0 لأنه سهل وخفيف على الجهاز وقوي وفيه كل الخدمات المطلوبه

2- لازم تعرف طريقه التعامل مع برنامج الحمايه إللي عندك مو بس ركبه وشغله وخلاص

3-لازم تسوي تحديث على طول

4- البرنامج أنصح من حكم خبرتي إنه يكون فيه
أنتي فايروس
سبام كيلر
فايروول
آنتي هاكر
آنتي بيوس
ويكون فيه خدمه الخصوصيه علشان تحط باسوور ومحد يقدر يغير الإعدادات

4- لا تحط إعداداته على كوستوم يعني لا تسوي إعداداته بنفسك لأنك بهالطريقه راح تفتح على نفسك باب كبير وبتسوي أخطاء كثيره وراح تحذف برامج وأوامر كمبيوتريه بالغلط وأنت ماتدري لأن الآنتي فايروس راح يعتبرك محترف وراح يطلع لك أي شي فيه شك أو مشبوه وأنت بالطبع ماراح تقصر بتقوم تحذف لين تجي أيام تلقى فيها جهازك ماعاد يفتح بعض الصفحات ويبدا يعلق وتلقى بعض البرامج ناقصه وتلقى مشاكل بالإكسبلورر والريجستري والباك أب والمايكروسوفت أوفيس ........ألخ

5- ونفس الشي إذا أخترت إعدادات المحترفين راح تواجهك مشاكل كثيره بنفس مشاكل الكوستوم إللي ذكرتها قبل شوي ويمكن تكون مشاكلها أكثر وعلى فكره هي ماهي مشاكل من برامج الآنتي فايروس هي من الغلط في طريقه إستخدامه



النصيحه الثانيه هي:
1-غير الباسوورد حقك كل فتره وحطها عباره عن حروف وأرقام وأنتبه لاتحط أرقام متشابهه أو متسلسله ونفس الشي بالنسبه للحروف ولا تستخدم الباسوور أكثر من مره يعني لاغيرته لاترجع وتستخدمه مره ثانيه

2-إنسخ إيميلات كل الأشخاص إللي عندك بالإيميل وخزنها في جهازك يمكن تحتاجها لاسمح الله


3-أدخل على إعدادات الويندولايف والماسنجر لايف وأنسخ معلوماتك وأحفظها عندك لأنه إذا ضاع إيميلك راح تحتاج لهالمعلومات علشان ترجعه ومنها
(( الدوله و المدينه والرمز البريدي للمدينه وبعض المعلومات الأخرى إللي راح تلقاها هناك ))

وأهم شي فيها هو السؤال السري وإجابته
يعني فيه أسئله موجوده وتختار منها سؤال وتحط إجابه من عندك وتحفظ هالإجابه ولا تنساها لأنك إذا نسيت الباسوور أو سرقوا إيميلك راح يسألك ميكروسوفت السؤال إللي أنت أخترته وبيقول لك وش الإجابه وإذا حطيت الإجابه الصحيحه بيفتح لك صفحه تغيير الباسوور وتقدر تحط باسوورد جديد وترجع إيميلك (( لاحظت إن أكثر إللي يهكرون مايغيرون السؤال والإجابه علشان كذا فيه مجال الواحد يرجع إيميله )) بس إذا غيروا السؤال والإجابه راح يصير موقفك صعب ؟؟

[color:9782="DarkOrchid"]بس فيه طريقه ثانيه وهي
في خانه تغيير الباسوور والمعلومات الشخصيه راح تلقى خانه بالإنجليزي هي alternative e-mail يعني إيميل بديل يستخدم للمراسله
وهالشغله تراها إختياريه بس والله العظيم مهمه وأنصح كل واحد يختارها
وطريقتها هي تحط إيميل ثاني من عندك
وإذا طلبت تغيير الباسوور أو تغيير معلوماتك وأنت ناسي الباسوورد أو في حاله إن إيميلك مسروق راح يطلع لك إختيارين وهي
1-إنك تحط معلوماتك مثل ((الدوله و المدينه والرمز البريدي للمدينه وبعض المعلومات الأخرى ))

2-والإختيار الثاني هو إنه يرسل لك رابط الباسوورد الجديد على إيميلك الثاني ((alternative e-mail))يعني نفس طريقه تفعيل العضويه وتتبع الخطوات لين تغيير الباسوور وترجع إيميلك

أخواني وأخواتي لو إني ماكنت أعرف هالأشياء ولا كان راح إيميلي إللي له فتره طويله عندي وكل إللي أعرفهم يعرفونه
وأتمنى إن كل واحد يآخذ إحتياطاته علشان مايسرقون إيميله على غفله

طبعاً الموضوع من صياغتي ومن خبرتي ومدري إذا الأسلوب والصياغه سهله والكل بيفهمها ولا لا !!!!

الله يوفقكم ويسعدكم

أخوكم mohamedsaid

شكرا اخي على النصائع و المعلومات المفيدة