.. شريط بنت علي

بِسم اللّه الرَحمَنِ الرَحيِم

اللَهّمَ صَلِ عَلَى مُحَمَدٍ وَ آلِ مُحَمَد وَ عَجِل فَرَجَهُم وَ ألعَن أعدائَهُم إِلى قِيامِ يَومِ الدِين

.. يا دهري يا غدار ..



يا دهري يا غدار آنه العقيلة - بت حيدر الكرار حامي دخيله
منك شفت لوعات - دمع الحزن هيهات
ينشف مسيله

من عندك يا دهري كل سبب بلواي - بهمومك او لوعاتك قسيت اوياي
يل طفيت بالظلمة گمر دنياي - إنت إلسلمتني اببين ايدين اعداي
من زغر سني اسهام منك لفتني - او چم جرح ما يلتام بيه صوبتني
عمري انگضى بآهات - او دمع الحزن هيهات
ينشف مسيله

وحيدة او غير اشظل بعد يمي - وأگضي الليل كله أتنازع ابهمي
گوم إلهاجموا بالنار دار أمي - حرگوا بالطفوف ابشرهم اخيمي
دفعوا على أمي الباب او كسروا ضلعها - خلوها دم سچاب ابعيني دمعها
بمتوني الضربات - او دمع الحزن هيهات
ينشف مسيله

او من الدار أبويه ابيوم نعشه انشال - اندفت وي علي اشما عندي من آمال
آنه إلچنت محد شاف إليه اخيال - او بعد ذاك المقام او لني ابيا حال
بين إليسبني او بين يدفعني بيده - إلمن أدير العين حرمة او وحيدة
مرت علي شوغات - دمع الحزن هيهات
ينشف مسيله

شنسى يا دهر منك وشأتذكر - ما ظن كسر گلبي بعد يتجبر
وابحسرة هضم كل ساعة أتحسر - او نيران الوسف بضلوعي تتوجر
ما يخطر اعلى البال أمشي سبية - فوگ الهزل بحبال مچتوفة اديه
ينظرني الشمات - دمع الحزن هيهات
ينشف مسيله

حگي يا دهر أصفگ الإيد بايد - ولا ساعة الگلب من الونين ايهيد
الأمر إلما يصير اوحلمه حلم ابعيد - ما بين الزلم أوگف اگبال ايزيد
هذا الأبد ما چان يخطر اببالي - بت سيد الأكوان وشجرى ابحالي
ما تنطفي الحسرات - دمع الحزن هيهات
ينشف مسيله

من ظيمك يا دهري والحزن چليت - عفاني اشكثر عندي صبر ما مليت
او بعدني ابعزتي اولأعداي ما ذليت - اصبي عيني ويا دمعي اعلى الوجن هليت
أذكر مصاب احسين صوب دليلي - او من أذكر الچفين ينهدم حيلي
عالگمر طيب الذات - دمع الحزن هيهات
ينشف مسيله





( للسيد سعيد الصافي الرميثي )


للإستماع :-

http://shiavoice.com/sound.php?catid=424

شكرا لمرورك
عاشقة ضياء

شكراااااااااااااااااااااااااااا

شكرا لك على المرور


سارة

merci boucop

merci pour ton passage
douihak

2rien